薑蔥手撕雞

今日整咗薑蔥手撕雞，

啖啖肉，

我哋成家都鐘意食，

小魔怪一見到有手撕雞食，

佢即刻問今日咩日子，

點解咁好餸，

哈哈，

我日日都咁好餸架啦!

材料: 雞1隻、薑5片

醃料: 鹽1湯匙、沙薑粉1湯匙、紹酒少許

薑蔥醬: 薑蓉、蔥粒、乾蔥蓉、蠔油半湯匙、豉油半湯匙、

糖1茶匙、蒸雞嘅汁1湯匙

做法: 雞去內臟、切頭尾和雞腳，洗淨後用廚紙索乾水份；

加入醃料搽勻雞身內外，放雪櫃醃2小時；

從雪櫃取出雞後放室溫30分鐘，放5片薑入雞身內，

放入熱水鑊內蒸雞30分鐘熄火，唔好開蓋焗多5分鐘，

取出雞後先倒出蒸雞汁，待涼拆骨起肉，

最後將薑蔥醬淋在雞絲便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page