小魔怪臨時返嚟食飯，
拿拿臨摷雪櫃有2塊牛仔扒，
加埋個薯仔就整咗呢碟黑椒薯仔牛肉粒。
材料: 牛仔扒2塊、薯仔1個、蜜糖少許
醃料: 蠔油半湯匙、豉油半湯匙、糖1茶匙、生粉1茶匙、
黑椒碎少許、生油少許
做法: 牛仔扒解凍後切粒，用廚紙索乾水份，醃料醃1小時；
薯仔去皮後切粒，用加有1茶匙鹽嘅水浸30分鐘後，
用廚紙抹乾水份(一定要好乾)；將薯仔粒放入凍油內慢慢加熱，
炸至金黃色撈起用廚紙索油(需要不時攪勻)；
原鑊煎牛仔粒煎至8成熟後，加入薯仔粒和蜜糖快手炒勻，
最後灑上黑椒碎便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!