2018年7月4日 星期三

沙鍋雲吞雞


今日整咗一大鍋雲吞雞,

我哋4個人食極都食唔完,

我剩係食咗菜、雲吞和少少雞肉,

飲埋2碗湯都已經飽哂喇!







材料: 雞1隻、雲南火腿約15片、急凍雲吞水餃15隻、娃娃菜2棵、

瑤柱6粒、薑4片、水6碗、無糖豆漿3碗

做法: 洗淨雞用落少許鹽醃1小時後,

落薑2片放入熱水鑊內出水5分鐘後沖水備用;

雲南火腿切片;娃娃菜切件備用;

燒熱6碗水落雞、雲南火腿、瑤柱和薑2片煮滾,轉小火慢慢滾1.5小時,

裝起浮起嘅雞油後,落無糖豆漿滾多15分鐘,隔去豆渣後落娃娃菜煮熟;

用另一個小鍋將雲吞水餃灼熟,將雲吞水餃放入雞湯內煮至番滾便成。

~按個人口味加鹽調味;

~蔬菜方面,可揀白菜、娃娃菜、小棠菜和津白都可以呀!


     



 大家可以入嚟Facebook讚下我新開嘅Fans專頁呀!







6 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!