白背木耳紅棗水

唔知係咪呢排整親條腰，

攪到自己心情好鬼down，

覺得自己好冇用，

仲成日諗埋D唔係好好嘅嘢添呀!

唔得咁架，

我要振作，

快D恢復以前嘅動力先得!

今日摷到包白背木耳，

即刻煲番碗白背木耳紅棗水飲下先得，

佢有降膽固醇、解血脂、解血壓和解三酸甘油脂等功效架!

材料: 3個白背木耳、8粒紅棗、3片薑、3碗水

白背木耳浸軟去硬蒂切片；紅棗去核切半；

燒熱3碗水，落所有材料察滾後，轉小火慢慢滾20分鐘，

熄火後唔好開蓋焗10分鐘，可以加鹽或糖調味便成。

~連水連木耳一齊食，食足一個月先有效啦!

~木耳食唔哂嘅話，可以用嚟涼拌(加豉油、麻油、醋和糖)；

~或加瘦肉落去煲成湯；

~我見有人會加冰糖煮成糖水後，放入攪拌機內打碎成木耳紅棗糖水呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page