2017日本名古屋白川鄉自由行之旅~第一日

11月28日(星期二)

今朝一早我連同姐姐和姐夫一行3人，

齊齊搭香港快運飛去名古屋玩9日呀!

同姐姐佢哋去旅行有咩好???

就係日日都有哂行程表，

資料仲非常詳細添架!

而且全程有姐夫揸車和帶路，

雖然佢都係第一次嚟，

但佢認路方面明顯係醒過我和姐姐啦!

去到名古屋機場，

第一時間就係去攞車喇!

上面果架藍色車，

佢會陪伴我哋其中7日嘅行程呀!

唔好講咁多，

醫醫個肚仔先，

便利店炸雞和腸仔，

真係食極都唔厭架!

呢間就係我哋係名古屋住嘅酒店喇，

除咗第1日會係度住外，

我哋第6、7、8日都會住呢度呀!

放底行李後，

我哋事不宜遲地去附近大須觀音參觀喇!

佢附近有條商店街好多嘢買架!

晚餐就係酒店附近搵食，

自己揀好食咩就襟張飛仔出嚟，

交俾店員就等食，

好方便呀!

呢張就係陪伴咗我哋呢9日嘅上網咭喇，

剩係經過山區和過隧道時唔係好得之外，

全程都收得好好，

鴨記買$100張，

一插即用，

好方便架!

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page