2017年12月13日 星期三

2017日本名古屋白川鄉自由行之旅~第五、六日



12月2日(星期六)

今日天氣都唔錯,

有太陽都有9~10度,

嚟到東尋坊主要係睇岩石;

呢度個風景真係幾靚,

但咁高我就有D怕怕,

但我見其他人行得好近岩石邊影相,

我心血少,

唔好攪我呀!








 呢度有條手信街都幾好行,

仲有好多海鮮燒烤食添架!

我哋簡單食少少嘢就揸車去附近另一個名勝~雄島。
















去到雄島本來想繼續上山行下架,

點知見天色開始變,

都係揸車返酒店休息一陣啦!

姐姐唔想休息,

走咗酒店附近商場行咗2個鐘,

再會合我哋後又繼續行多個幾鐘,

佢嘅精力真係好驚人架! 





12月3日(星期三)

我哋又要離開福井啦!

跟住下一個行程係要揸3個鐘頭車去三井長島outlet呀!

呢度真係幾大架,

咪睇好少人,

因為附近有溫泉、遊樂場和outlet,

所以越晏就越多人嚟呀!

姐姐和姐夫行極都話行唔完,

呢度買衫唔啱我,

我都係搵個地方坐低等佢哋呀!

食完午餐又繼續行過,

差不多5點幾先揸車返名古屋,

住我哋嚟第一晚住嘅酒店呀!

沿途見到當日嘅超級大月亮,

好圓啊!

姐姐和姐夫行完一日都仲唔攰,

又話要出名古屋車站附近商場繼續行喎,

唔係嘛,

人都顛呀!

我攰到連晚餐都冇食,

食包點心麵算啦!


















  



大家可以入嚟Facebook讚下我新開嘅Fans專頁呀! 



8 則留言 :

  1. 我反而最復你姐夫, 他既要揸車, 還要在陌生地方已經很費神, 還要如此陪你姐姐行足全日街, 他的精神體力能支持得住才是好野!

    回覆刪除
    回覆
    1. 哈哈,姐夫都好鐘意行街買嘢,佢哋兩個好夾架!

      刪除
  2. 自己開車真係去多好多地方。
    你姐同姐夫都好行得。

    回覆刪除
  3. 哈哈,shopping 係你弱項,唔緊要,去左咁多地方有車坐,已經好舒服了

    回覆刪除
    回覆
    1. 去超市shopping我就啱,買鞋買衫我就唔係咁好喇!

      刪除
  4. 你姐姐同姐夫好勁啊,行咁多我一早投降了

    回覆刪除
    回覆
    1. 同佢哋去旅行,日日行萬步以上,當做運動呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!