2010年2月12日 星期五

再整蘿蔔糕!

 
前2日,
 
 
我一早吩咐工人姐姐去街市買6斤蘿蔔返屋企,
 
佢買咗5條大大條成8斤幾,
 
3蚊2斤都抵啦!
 
點知老公唔知道經過街市又買咗4斤返嚟,
 
4蚊2斤,
 
激死仲貴少少添呀!
 
唯有前日即刻攞咗條嚟炆魚鬆,
 
依家屋企仲有成8條蘿蔔,
 
我諗我唔會整哂佢囉!
 
想刨死人咩!

 
呢個勁多臘味嘅留番俾自己食。
 
 
呢個XO醬臘味蘿蔔糕,
 
 
係我手多多蒸好糕後加上李錦記XO醬。
 
呢個白雪雪嘅送給母親大人,
 
 
因為佢唔多食臘味,
 
 
咁就唔好浪費啦!
 
等我哋抵諗D食埋剩番嘅臘味啦!





臘味蘿蔔糕
 
 

材料: 蘿蔔5斤、粘米粉一包(600g)、臘腸4條、臘肉1條、
 
蝦米大半碗、薑數片、冰糖1小粒和浸蝦米水大半碗
 
調味: 鹽、胡椒粉
 
做法: 蘿蔔去皮洗淨刨絲;臘腸、臘肉蒸熟連同蝦米切粒備用;
 
唔落油爆臘味後,加薑片炒蘿蔔絲滾後加臘味、
 
冰糖、鹽和胡椒粉,(如水多不用加蝦米水)
 
最後將1包粘米粉逐少加入蘿蔔絲裡,
 
不斷攪拌至粉和蘿蔔絲混合為止,
 
隔水蒸1小時半左右便成。
 
 
 
買咗呢種叫臘腸皇嘅臘腸嚟做,
 
點解叫臘腸皇,
 
睇吓同普通臘腸有咩分別啦!
 
 
(肥嘟嘟好攪鬼o架!)


 

 


今朝起身,
 
 
我即刻煎咗半底XO醬臘味蘿蔔糕食,
 
 
味道唔錯喎!
 
又係蘿蔔多粉少,
 
不過我鐘意呀!
 
 
 

 
 
  
大家可以入嚟Facebook讚下我新開嘅Fans專頁呀! 

 


 
 

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!