素食版~芝士焗釀大蘑菇

噚日整咗個素食版~芝士焗釀大蘑菇，

用咗屋企已有嘅食材做釀蘑菇餡料，

包括洋蔥、粟米和蘑菇蒂；

分咗2餐焗(午、晚)，

第一次冇焗過蘑菇，

所以蘑菇勁出水；

之後學識了預先焗一焗個蘑菇，

咁出水嘅情況改善咗好多呀!

日式麵包制作精選實習中班(二)

南瓜杏仁合桃包&鑽石皇冠包，

味道其實唔錯架，

不過皇冠包加咗有咗藥水味嘅櫻桃和果皮粒後，

屋企冇人肯食呀!

鮮淮山粟米甘筍馬蹄豬展湯

係惠州買咗幾枝新鮮淮山返嚟，


緊係要拿拿臨煲個清潤湯水飲下啦!


提提大家，


刨淮山時記得帶手套呀，


唔係當隻手黏到淮山汁液後，


真係會痕到七彩架!

惠州3日雜記

26/6星期五，

 

我哋又連同大伯和大伯娘齊齊返惠州，

 

姑奶又係早一日返惠州打點；

 

辦理私事前，

 

緊係要搵食啦!

台式鹵肉飯

今日我和老公又要返惠州3日!

昨晚已經煮定個台式鹵肉放係冰箱，

等小魔怪放學返嚟，

隨時攞出嚟解凍翻熱後，

用嚟撈飯或撈麵食都得呀!

Blog聚~沙田新強記燒鵝大王

昨日Sophie由新加坡返咗香港，

 

我哋緊係要爭取時間見面啦!

 

今朝相約於沙田新強記燒鵝大王，

 

出席有Sophie、Mei、Lonely和我；

 

我哋叫咗個五和菜，

 

有燒鵝皇和4個小菜，

 

都係$288咋!

 

加埋3個點心和2隻金牌燒乳鴿，

 

呢餐食咗$540。

 

 

椰汁咖哩雞

仲有D椰漿係雪櫃，


用佢嚟煮咖哩就最啱啦!


我仲搵埋田師傅出馬添；


嘩，


呢鍋咖哩香到呢!


大愛呀!

椰汁喳咋糖水

今日唔煲湯，

煲佢~椰汁喳咋，

買唔到靚芋頭，

只好剩係煲雜豆啦!

麵醬青瓜炒素鴨

大魔怪5月尾已經開始放暑假，


所以呢排我都會煮幾款素菜俾佢食；


(遲下佢要住宿舍，又要開始冇啖好素食囉!)


但今日我真係冇咩素煮意，


求求其其買咗2條青瓜，


見屋企有包素鴨，


摷埋樽麵醬出嚟，


炒埋一碟，


開飯囉!

父親節快樂

今日係父親節，

我雀后祝天下父親~父親節快樂呀!

今日簡簡單單煮咗個節日晚餐，

一家人開開心心過節囉!