細仔晚上進修紅酒課程，
近排工作應酬和朋友聚會多，
所以佢間中會拎唔同牌子紅酒回家，
開蓋紅酒唔放得耐，
我就用佢其中支紅酒，
整咗鮮茄紅酒燴牛肋條。
今次用中西合壁做法，
冇專登去買茄膏又冇落香葉，
不過食落又真係幾好味道喎!
材料: 牛肋條1.5磅、蕃茄3個、洋蔥1個、甘荀1條、
蒜蓉、薑6片、紹酒1湯匙
調味: 紅酒適量、雜香草、黑椒碎、冰糖粒適量
做法: 牛肋條解凍後，放入鍋內加薑3片、紹酒和水煮滾，
出水8分鐘，取出切大件；蕃茄放入熱水中去皮後切粒；
洋蔥去皮切碎；甘筍去皮滾刀切件；
落油少許先煎牛肋條兩面至微微焦香，
加入薑3片、蒜蓉、蕃茄、洋蔥炒勻後，
落紅酒、甘筍和調味(紅酒蓋過牛肋條半滿)，
轉小火慢慢燉煮1小時，最後按個人口味落鹽調味便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!