老公話好耐冇食過糯米飯，
我見包糭時仲剩半包糯米，
即刻買齊材料，
整咗一大盆生炒臘味糯米飯。
材料: 糯米2.5杯、臘腸2條、冬菇3隻(大)、蝦米仔3湯匙、雞蛋1隻、
清雞湯1飯碗、炸花生適量、蔥粒
調味: 老抽1.5湯匙、豉油1湯匙(可按個人口味加減)
做法: 糯米洗淨後用熱水浸2小時(用碟蓋好)；
冬菇浸軟後去蒂；蝦米浸30分鐘後隔水；
將臘腸、冬菇和蝦米蒸熟後切粒備用；雞蛋發勻煎成蛋皮後切絲；
燒熱易潔鑊不需落油，爆香臘腸、冬菇和蝦米後盛起；
糯米隔水後，用炒過臘味嘅易潔鑊炒糯米(全程用中火)；
盡量將糯米平舖在鑊內(讓糯米平均受熱)，不斷炒至糯米乾身，
分4~5次逐少加入雞湯，加湯後蓋上鑊蓋煮糯米1分鐘左右後炒勻糯米飯；
重覆落湯和炒糯米至熟，如糯米未熟透，可加入浸蝦米水繼續炒至糯米熟；
加入臘味粒和落調味炒勻，最後灑上炸花生、蔥粒和蛋絲便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!