咸魚茄子肉碎

今日老公斬咗係大亞灣買嘅咸魚，

老公話D咸魚肉好香，

魚肉係實肉的，

但由於魚骨太硬有D難斬，

於是佢拆咗D碎咸魚肉出嚟，

我就用咗D碎咸魚肉，

整咗呢碟咸魚茄子肉碎喇!

材料: 幼身茄子3條、咸魚肉適量、豬肉碎$15、蒜蓉、蔥粒

醃料: 豉油半湯匙、鹽少許、糖1茶匙、麻油少許、生粉1茶匙、水2湯匙

調味: 蠔油適量、辣豆瓣醬1茶匙、糖1茶匙

做法: 茄子用滾刀切件；燒熱油鑊落豬肉碎炒至微微焦黃後，

加入蒜蓉和咸魚肉炒香，落茄子、調味和水適量，

煮至汁濃，落蔥花炒勻上碟。

~辣豆瓣醬味道辣辣哋略帶咸味，而咸魚又夠哂咸，

所以呢個餸可以唔使落鹽呀!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page