XO醬韭菜花小炒皇

XO醬韭菜花小炒皇，

裡面有咩材料???

韭菜花、甘筍絲、虎蝦乾、魷魚乾、梅頭豬肉絲和腰果，

呢個餸大魔怪好鐘意食架!

因為我加咗辣XO醬落去一齊炒，

特別惹味架!

材料: 韭菜花1扎、甘筍半條、虎蝦乾6隻、土魷乾2隻、

梅頭豬肉適量、炸腰果適量、蒜蓉

醃料: 豉油1湯匙、糖1茶匙、生粉1茶匙、麻油少許

調味: 辣XO醬適量、蠔油半湯匙、糖1茶匙

做法: 虎蝦乾浸軟身；土魷浸軟切絲；豬肉切絲後落醃料醃15分鐘；

韭菜花切段；甘筍切絲；

燒熱油鑊煎豬肉絲至8成熟，加入蒜蓉、虎蝦乾和土魷絲快炒，

落少許水煮豬肉熟後，加入甘筍絲和韭菜花快炒，

落調味和XO醬炒至韭菜熟後上碟，落少許炸腰果舖面便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page