2024年5月8日(星期三)
今朝8點要到高鐵西九站集合，
我、老公和姑奶7點15分左右已經到咗西九，
他他條條食埋個早餐就到集合點等喇!
我哋個大陸導遊已經到咗西九接我哋，
但由於佢係香港唔可以做嘢，
所以旅行社派咗個代表協助我哋派車票，
而大陸導遊就陪同我哋23個團友一齊過關，
準時搭9點26分出發到潮汕站落車。
行程第一站係去食午餐~潮汕牛肉火鍋宴，
呢餐牛肉火鍋D牛肉又嫩又滑，
可能係肚餓關係，
我覺得幾好味喎!
食飽飽上車坐咗1個半小時，
到咗~東山島馬鑾灣，
今日藍天白雲，
有微風，
好舒服呀!
之後又坐咗2個半小時車，
去到漳州古城行街街，
晚餐食石斛鮑魚宴，
哈哈，
真係有鮑魚呀!
今晚我哋住漳州融信皇冠假日酒店，
間房都幾大，
我一早帶定個熱水壺去煲水，
仲有帶埋3條叉電線，
酒店有叉座(我都有帶定叉座)，
啱哂我一次過叉2部電話和風扇呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!