雪梨乾山楂洛神花甜菊葉水

每次去粉嶺坪輋雲泉仙館，

我都會去後門小攤檔買小食手信架!

去到必叫亞姐幫我執包$20雪梨山楂甜菊葉煲水嚟飲，

今次亞姐加埋洛神花俾我添呀!

酸酸甜甜似利賓立味，

雪凍佢好好飲架!

做法: 沖沖所有材料，加入16碗水放入煲內，

先用大火煲滾後轉小火繼續煲1小時便成。

(加咗甜菊葉，不需加任何糖都已經好甜架啦!)

雪梨乾有清熱潤肺、止咳化痰等功效，

比新鮮雪梨潤而不寒；

山楂有活血散瘀、降血糖和消脂等功效；

甜菊葉就有降底血糖、消除疲勞、減肥養顏等功效。

洛神花具有解熱、抗高血壓、有補血、

治療肝病、平衡身體內的酸鹼值等效果。

提提大家，

呢個雪梨乾山楂甜菊葉水，

如有胃酸過多或孕婦(山楂有增強子宮收縮功效)，

都不宜飲用架!

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page