氣炸雞膇

今朝老公話要食炸雞髀，

OK啦!

不過炸嘢好似熱氣D喎!

於是改用空氣炸鍋嚟炸雞髀，

冇咁多油亦好似冇咁熱氣呀!

老公話炸雞髀好味，

但佢問點解D雞髀咁細隻???

哈哈，

因為我驚雞髀太大隻難熟，

所以買咗雞膇嚟整囉!

食落口感都係一樣啫!

先用氣炸鍋炸4隻雞膇，

其餘2隻留俾小魔怪食呀!

材料: 雞膇6隻、蒜蓉、薑蓉、蕃薯粉

醃料: 鹽2茶匙、糖1茶匙、豉油1.5茶匙、紹酒半湯匙

調味: 紅椒粉、孜然粉

做法: 雞膇解凍，响雞膇背位置界兩刀後，用廚紙索乾水份，

落醃料搽勻雞膇內外，放入雪櫃雪8小時；

取出雞膇放室溫1小時，响雞膇底面灑上紅椒粉和孜然粉；

將雞膇抹去薑蒜後，撲適量(薄薄的)蕃薯粉，靜待5分鐘後，

把雞膇放入氣炸鍋內噴少少油，用200度氣炸25分鐘(其間需要反轉雞膇啊!)

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page