客家蘿蔔蛋角煲

 

冇得返惠州，

食唔到好味道嘅客家菜，

唯有自己動手煮個客家蘿蔔蛋角煲，

止下癮先啦!

材料: 蘿蔔半個、豬肉碎適量、雞蛋3隻、清雞湯2碗、薑3片、

白胡椒碎、蔥花

醃料: 豉油少許、鹽少許、糖少許、生粉少許、麻油少許

做法: 豬肉碎落醃料醃15分鐘；白蘿蔔去皮切條；雞蛋落少許鹽發勻；

燒熱油鑊後轉小火落蛋液煎至蛋皮半熟後，

將豬肉碎放入蛋皮中間，用鑊鏟和筷子將蛋皮蓋住豬肉餡，

慢慢煎至蛋角形狀後盛起(豬肉餡唔需要熟)；

將清雞湯、薑片和1碗水放入煲內煮滾，落蘿蔔滾8分鐘後(湯滾後轉小火)，

落白胡椒碎和舖上蛋角再滾多5分鐘，最後落鹽、胡椒粉和灑上蔥花便成。

 
  

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page