雜菜排骨湯

一煲湯水，

點先可以啱大魔怪飲之餘(素食者)，

又可以啱小魔怪飲呢(肉食者)???

前兩日煲咗呢煲雜菜湯，

先煲好雜菜湯底後，

分咗部份湯出嚟俾大魔怪飲，

然後再加排骨煲多30分鐘，

咁就一家人都有得飲啦!

材料: 蕃茄4個、薯仔2個、甘筍2條、椰菜半個、2片薑

做法: 將蕃茄洗淨切件；甘筍和薯仔去皮切粒；椰菜切片；

落少許油先炒香薑片和蕃茄後，加入薯仔、甘筍、椰菜和8碗熱水煮滾後，

轉小火慢慢煲1小時後加鹽調味便成。

~食時可加入胡椒粉和黑胡椒粒調味。

~唔係素食嘅朋友，排骨可以同雜菜一齊放入煲內滾架，

不過排骨就要預先出水，加少少鹽醃咸佢仲入味呀!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page