2019年1月15日 星期二

辣子雞丁


辣子雞丁,

我和小魔怪都會食唔停口嘅餸菜之一,

佢辣、麻、香脆嘅感覺;

能夠從一大埋辣椒當中找出雞粒或花生等美食,

仲帶著尋寶嘅樂趣啊!

嘻嘻,

呢碟辣子雞丁,

大愛呀!











材料: 雞扒1.5塊、炸花生粒適量、辣椒乾半碗、花椒粒1湯匙、

蒜蓉、薑5片、食油少許、生粉2茶匙、紹酒少許

醃料: 鹽大半茶匙、紹酒半湯匙、胡椒粉適量

調味: 豉油半湯匙、糖1茶匙、花椒辣油適量

做法: 雞扒解凍後,連皮切大粒,落醃料醃30分鐘;

凍鍋落油燒熱,臨炸雞粒前加入食油和生粉撈勻,

逐一將雞粒放入油鍋內炸至金黃色後撈起,待20~30秒後,

再將雞粒放入油鍋內炸至雞粒酥脆後撈起用廚紙索油;

倒剩1湯匙油留鍋,加入蒜蓉、薑片、花椒粒和辣椒乾,用細火炒出香味,

加入雞粒、調味和贊少許紹酒炒勻後,落埋炸花生粒炒勻上碟。

~炒辣椒和花椒粒時,記得用細火慢慢炒出香味,太大火會好易燶架!

~愛嘅嘅朋友可以落多D辣椒乾架,呢個我已經慢咗少少辣椒籽,

啱哂老公唔係食得辣嘅口味呀!





大家可以入嚟Facebook讚下我新開嘅Fans專頁呀! 


5 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!