麻香手撕雞

今日唔食豬肉食雞髀!

係街市買咗2隻大雞髀，

將佢拆咗肉嚟整手撕雞，

啖啖肉，

正呀!

話時話，

唔知係咪我呢排食得辣嘢多，

買咗支花椒辣油食落感覺一D都唔辣，

唔通我嘅味覺出現問題???

材料: 雞髀2隻、炒香花生粒適量、炒香芝麻適量、蒜蓉1湯匙、

蔥粒適量、薑2片、紹酒1湯匙、鹽1茶匙

調味汁做法: 麻辣油1湯匙、辣椒油半湯匙、調味醋1湯匙、豉油1.5湯匙、

糖1茶匙、麻油半湯匙

做法: 將調味汁料放入碗內，加入蒜蓉和蔥粒攪勻備用；

雞髀解凍後，係雞髀厚肉位界幾刀(易D熟)；

燒熱水加入薑片、紹酒和鹽，放入雞髀用中大火(加鑊蓋)滾5分鐘熄火，

熄火後唔好開蓋將雞髀繼續留係鑊內焗45分鐘，

取出雞髀待涼拆骨起肉放入碟內，淋上調味汁料、炒香花生和芝麻，

最後多淋少少花椒辣油係雞髀面便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page