蕃茄洋蔥燴豬扒

今日下午要去睇牙醫做深度洗牙，

做深度洗牙係要打埋麻醉藥架!

所以今日午餐會好少少，

而晚餐肯定牙軟食唔到嘢，

睇怕都係要食粥水架啦!

去街市肉檔買咗2大塊新鮮豬扒都係$30，

用嚟煮蕃茄洋蔥燴豬扒，

午餐得我同老公兩個人食，

自己煮30零40蚊1餐，

簡直平靚正呀!

材料: 新鮮梅頭豬扒2塊($30)、蕃茄2個、洋蔥半個、蒜蓉、生粉水

調味: 豉油2茶匙、鹽半茶匙、生粉1茶匙、麻油少許、油少許

調味: 蕃茄醬2湯匙、豉油半湯匙、糖3茶匙、鹽少許、水1碗水

做法: 梅頭豬扒洗淨後，用廚紙索乾水份，豬扒有根位置切幾刀，

用刀背輕輕剁豬扒兩面後切塊，落醃料醃1小時；蕃茄切件；洋蔥切片；

燒熱油鑊煎豬扒兩面至9成熟後盛起；

原鑊落蒜蓉和洋蔥先爆香，加蕃茄炒勻後，

落調味煮滾後加入豬扒煮至汁濃，最後加少許生粉水埋茨汁便成。

~煎完豬扒個鑊我通常都唔會洗，用廚紙抹一抹就乾淨哂架啦!

~鐘意食酸味濃D嘅朋友，可以加少少喼汁落個調味汁煮度架!

而我就鐘意食甜，所以落糖方面我會落多D呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page