2018年12月6日 星期四

啫啫雞煲


整啫啫雞煲,

最理想係用瓦煲架喇!

因為上枱時瓦煲嘅熱力會令煲內食物發出啫啫聲;

不過我屋企冇瓦煲(我怕甩底),

所以用咗易潔鍋呀!











材料: 雞1隻、豬潤$10、蒜蓉、乾蔥頭5粒、

薑2片、蔥段、紹酒1湯匙

醃料(雞): 豉油1湯匙、老抽半湯匙、鹽半茶匙、糖1茶匙、粟粉1茶匙、

胡椒粉少許、紹酒少許、麻油少許

醃料(豬潤): 薑汁1湯匙、紹酒少許、胡椒粉少許

調味: 蠔油2湯匙、豉油1湯匙、老抽半湯匙、糖1茶匙、生粉1茶匙、鹽少許

做法: 雞洗淨後用廚紙索乾水份,落醃料醃1小時;

豬潤切片後,沖去血水2~3次,用廚紙索乾水份後落醃料醃1小時;

燒熱鑊加少許油爆香薑片、蒜蓉、乾蔥頭和蔥白,

加入雞件先煎2分鐘,反轉雞件煎另一面2分鐘,


最好每件雞都煎熟至7~8成後,加入調味和豬潤快炒數十下,

贊紹酒1湯匙,蓋上鍋蓋焗5分鐘或汁濃乾身,最後加埋蔥段撈勻便成。

~爆雞係唔需要落水,因為雞越煮越出水,咁先原汁原味呀!

 


大家可以入嚟Facebook讚下我新開嘅Fans專頁呀! 

4 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!