又去滾~節瓜咸蛋肉片瑤柱湯

噚晚又去滾~節瓜咸蛋肉片瑤柱湯!

瑤柱粒係流浮山買的($240斤)，

簡單用嚟煲湯、煲粥，

滾出嚟嘅湯味道都幾鮮味架!

又或者用係煮下瓜瓜菜菜，

都係一個唔錯嘅選擇嚟架!

材料: 節瓜2條、梅頭瘦肉$20、咸蛋1隻、瑤柱粒20粒、薑1片

醃料: 豉油半湯匙、鹽少許、糖1茶匙、麻油少許、生粉半茶匙、水1湯匙

做法: 梅頭瘦肉切片，落醃料醃30分鐘；節瓜去皮切件；

瑤柱粒沖沖水後浸30分鐘(浸瑤柱水留用)；

將5碗水連浸瑤柱水(即6碗水)放入鍋內，加入薑片、瑤柱粒煮至滾起，

放入節瓜、豬肉片和咸蛋黃滾15分鐘，然後加入咸蛋白攪勻，

試味後按個人喜好加鹽調味便成。

~記得加咗咸蛋白先好調味，唔係個湯就會過咸架啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page