2018年7月27日 星期五

2018馬來西亞輕輕鬆鬆之旅~第三、四日


7月20日(星期五)

今日小魔怪女朋友仔媽媽生日,

佢哋一家帶我哋上雲頂遊覽!

未上雲頂之前,

梗係要醫肚先啦!

粉腸、雞腳、排骨、帶皮豬腿肉,

全部都係小魔怪至愛,

食到佢停唔到口呀!












坐纜車上雲頂,

去到最高點望番落山都幾高架!

依家仲興建緊個遊樂場,

應該出年先可以嚟玩到喇!

嚟雲頂,

梗係要去賭場參觀參觀啦!

我哋都有玩幾舖大小架,

不過最後冇輸又冇贏,

打和囉!









離開賭場,

我哋坐纜車去另一個景點~清水岩廟。

食埋支綠茶軟雪糕就落雲頂outlet行下喇!













晚餐就嚟雲頂附近嘅食店食嘢,

上網睇番呢間全記出名平靚正,

飯後甜品係貓山王榴槤,

我和小魔怪都係第一次食榴槤,

食落唔覺臭仲有甜味,

不過始終對佢嘅質感麻麻哋接受到囉!


(炒飯必食)

(碟蒸筍殼魚超滑)

(呢碟炸肉都係必食架!)







7月21日(星期六)

早餐+午餐就食椰漿飯,

超鐘意呢椰漿飯內嘅炸江魚仔,

所以女朋友仔媽媽買咗一大包送俾我呀!



食飽就揸車落怡保,

經過7~11,

買定呢幾日嘅早餐,

由於小魔怪和女朋友仔朝朝瞓到10幾11點先起身,

所以呢幾個麵包大部份都係落咗我嘅肚裡面呀!

巴生去怡保要揸起碼2小時車,

中途都會停車去下廁所,

順便飲下嘢呀!




  嚟到恰保,

我哋就住係依間酒店~D' Eastern Hotel,

簡簡單單唔花巧,

約$240晚,

不過太近馬路邊,

夜晚都幾嘈,

好彩都唔影響我睡眠質素呀!



 嚟到怡保女朋友仔唔係咁熟路,

所以用apps上網叫車,

車錢都幾平,

近近地4~5蚊馬幣都有交易,

第一站係嚟出名嘅二奶巷搵食喇!

焦糖雞蛋、雞絲蝦湯河粉、灼芽菜、怡保白咖啡、囉吔等等。













 怡保出名有好多鐘乳洞,

我哋就揀咗嚟呢個極樂洞嚟行下喇!








晚餐食老黃芽菜雞,

甜品本來係食奇峰豆腐花,

可惜豆腐花買哂,

唯有買支豆漿和涼粉豆漿當甜品啦!















我哋食完嘢夜市都仲未開檔,

起碼8點幾先開齊,

唯有返酒店休息下先啦!

但我返到酒店都唔想再出去,

小魔怪和女朋友仔兩個人拍拖去行夜市,

佢哋仲有胃口食埋甜品先返,

服咗佢哋咁大食呀!










 

  
大家可以入嚟Facebook讚下我新開嘅Fans專頁呀!







8 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!