2017年7月31日 星期一

英國&意大利畢業之旅~新特蘭第一、二天


英國&意大利之旅

7月12日,

今日要離開倫敦喇!

下一個目的地係小魔怪讀書的地方~新特蘭。

老公話幾日冇米落肚,

好想食飯喎!

所以我哋揀咗火車站內嘅日式快餐,

唔知係咪真係好耐冇米落肚,

呢餐好好食呀!







坐咗3個幾鐘頭火車到紐卡素,

再轉地鐵去新特蘭,

近海即係近海,

氣溫冇倫敦咁熱,

涼涼哋好舒服呀!



搵個地方坐低抖一抖,

等小魔怪去同學家攞返留係英國嘅行李之後,

就去食晚餐啦!

新特蘭有幾間中菜館,

平時小魔怪和同學都好鐘意嚟呢度食飯架!

不過呢間就唔係小魔怪嘅心水餐廳,

由於就時間去賓館,

所以先嚟呢間食飯呀!

賣相麻麻,

但食物味道都唔錯架!

最緊要係呢度白飯可以任裝,

啱哂小魔怪呢個飯桶呀!








呢間就係小魔怪專登為我哋訂嘅小賓館喇!

附近有個海灘,

感覺好舒服呀!

咪睇個天仲好似好光咁,

以為係早上或中午???

其實已經係晚上8點幾9點,

起碼要10點幾個天先會黑呀!









7月13日,

清晨4點幾5點太陽又出來了!

呢間賓館係包早餐架!

第一次食英式早餐,

第一次食Black pudding(血腸),

食落質感粉粉的和好咸,

應該唔會再想試食囉!













食飽就落咗去沙灘行咗一陣,

就搭巴士落新特蘭市區行街街啦!

新特蘭真係好細,

最大嘅市區就係一個大商場,

下面嘅Primark係大型服裝零售連鎖店,

上至衫褲鞋襪,

下至內衣、化妝品等等,

應有盡有,

最開心係我,

買咗唔少歐洲碼嘅衫和褲,

價錢仲好鬼平添架!




而老公就係上面嘅lceland和tesco買手信俾同事啦!

不過由於我哋仲要去意大利,

所以買嘅嘢真係唔多呀!

行完街街就返賓館下面食個簡單嘅午餐,

傳說中大過隻碟嘅~fish & chips,

加埋碟炸蝦,

真係好好食呀!








下午返賓館眠一眠後,

匯合小魔怪女朋友仔一家,

出咗去新特蘭食晚餐,

呢間係小魔怪首選嘅中菜館,

小魔怪勁讚佢哋嘅豆腐魚頭湯好好飲,

可惜當日冇魚頭冇得飲,

小魔怪勁失望囉!









  



大家可以入嚟Facebook讚下我新開嘅Fans專頁呀! 


8 則留言 :

  1. 返來有冇煮魚頭豆腐湯俾二少飲呀?

    回覆刪除
  2. 到處一遊真係开心.

    回覆刪除
  3. 外國D中菜館做得唔錯喎,但!價錢一定唔平

    回覆刪除
    回覆
    1. 哈哈,係外國食嘢,餐餐都唔平,連食個麥記包都貴過香港好多呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!