2017年7月30日 星期日

英國&意大利畢業之旅~倫敦第五天(溫莎)


英國&意大利之旅

7月11日,

今朝又係一早要起身,

去到火車站求其搵間Burger King買早餐食呀!

去到溫莎天色麻麻,

風都幾大仲落埋雨添,

氣溫同昨日係劍橋時,

比起碼差成7~8度呀!

一個字~凍!










去到溫莎附近商場,

匯合小魔怪女朋友仔一家之後,

我哋就去咗溫莎堡參觀啦!

可能落雨嘅關係,

排隊參觀嘅人唔算好多,

等15分鐘左右就入得去喇!


攞埋個翻譯機,

一路行一路聽各建築物歷史和故事,

都幾忙架!











呢個兵哥都幾攪笑,

見我哋好多人同佢影相,

竟然偷偷哋係度笑,

好似好開心咁嘅樣添!


行完溫莎都成3點幾,

我哋又搵咗間意大行餐廳食嘢,

貪佢大大碟兼夠飽呀!

食飽仲有少少時間(未夠鐘搭火車返倫敦),

於是老公又係溫莎商場內買咗件外套和襯衫,

連埋係劍橋買嘅波鞋,

今次佢仲唔係大豐收。













返到旅館都已經成8點幾9點,

係車站馬莎超市買咗2罐罐頭湯,

加埋昨日食剩嘅意粉,

咁就做咗我哋嘅消夜喇!

  



大家可以入嚟Facebook讚下我新開嘅Fans專頁呀! 


6 則留言 :

  1. 估唔你老公咁快手又買到心頭好。

    回覆刪除
  2. 雀王買野,爽手過你呀。下次你去旅遊,唔好客氣呀。

    回覆刪除
    回覆
    1. 哈哈,佢買嘢俾自己真係好爽手!

      刪除
  3. 哈!你老公係咪小買野,睇中就買

    回覆刪除
    回覆
    1. 其實係佢冇咩時間去買嘢,所以睇啱就會買囉!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!