2013年6月30日 星期日

來去匆匆廣州行!

 
嬸嬸離世已經超過一個月,

係時候要安排患病叔父往後的生活。

今日,

我陪母親大人上廣州一敞,

了解情況。

廣州天氣悶熱,

中午還下了一場大雨;

匆匆吃過午餐,

又要趕回香港。

2013年6月29日 星期六

肉燥豆腐!



今年畢業典禮完滿結束,

超攰,

好在有2日假期可以休息休息!

但聽日要陪母親大人上廣州一敞,

得番7月1 日休息咋!

希望唔好打風啦!

2013年6月28日 星期五

西餅、蛋糕製作精選實習班(一)~第三堂!




呢個課程好鬼多芝士餅,

今堂學整意大利芝士蛋糕和意大利杏仁圈!

我係酒鬼,緊係要狂落酒啦!

2013年6月26日 星期三

豬扒炒丁麵!


 
由細到大,

我都鐘意食出前一丁(麻油味);

唔單只鐘意放湯,

炒都一樣鐘意呀!

 

2013年6月25日 星期二

西餅、蛋糕製作精選實習班(一)~第二堂!

 

 
6 月18日,

呢堂學整忌廉泡夫、朱古力條、巴黎圈!

我哋要亞sir教整天鵝呀!

睇下亞sir整得幾靚。

2013年6月24日 星期一

煎釀三色椒!

 
我唔係成日染髮,

大約一年2次左右啦!

記得上次染髮係過年前;

今日我再去髮廊染髮,

點知染完後隻色係蓋唔到我D白髮,

唯有要再染多次(前額)。
 
 

2013年6月23日 星期日

菜脯肉碎煎蛋!


 大小魔怪大食係人都知,

有時煮少咗餸唔夠食點算好呢???

呢個係我屋企最佳加餸嘅選擇~菜脯肉碎煎蛋!

 

2013年6月22日 星期六

南瓜海鮮忌廉湯!


大小魔怪唔鐘意食南瓜,

但佢母親我好鬼鐘意食架,

冇咩辦法可以令佢哋食南瓜呢???



 

2013年6月21日 星期五

西餅、蛋糕製作精選實習班(一)~第一堂



6月11日,
又開始我晚上學整蛋糕嘅生涯啦!
呢日係第一堂~軟心朱古力蛋糕(心太軟)&焗法式芝士蛋糕。

2013年6月20日 星期四

雜菇炆伊麵!


日日熱到CC下,

真係唔想食飯呀!

食咩好???

食伊麵都唔錯喎!

唔想食肉唔知大小魔怪啱唔啱食呢???

都係唔好,

滾個粟米肉碎蛋花湯,

咁咪有肉囉!


 

2013年6月19日 星期三

魔鬼小食~炸芝士火腿獅子狗春卷!


 
有包春卷皮擺咗係冰箱好耐,

再唔整我驚過期,

搵齊材料整咗呢個小食,

好魔鬼,

好誘惑,

越食越想食呀!
 

2013年6月18日 星期二

芝士鮮茄焗豬扒飯!


 
同超市肉檔亞姐friend係有著數,

我要舊唔嚡口,

仲要唔使剁嘅肉整豬扒,

佢專登起舊靚飛排肉俾我,

仲要五十幾蚊有成7至8塊添!

豬扒分咗兩餐食,

用同一款汁料,

一個加芝士和炒飯底焗,

一個就咁煮,

真係抵到爛呀!

正!


2013年6月17日 星期一

清湯蘿蔔牛坑腩!


噚日係父親節,

老公話想食清湯腩,

米飯班主指定要食,

緊係唔可以遲啦!

一於整煲俾佢嘆下啦!
 

2013年6月16日 星期日

父親節晚餐!


今日係父親節,

祝天下父親都快樂呀!

母親大人和祈祈BB一家都入嚟食飯,

梗係煮D好嘢俾佢食啦!

2013年6月15日 星期六

全麥三文魚鬆包!


好耐冇攞部麵包機出嚟玩下啦!

見今日落雨濕濕冇得出街,

一早起身就開始搓包啦!


 

2013年6月14日 星期五

香煎腐皮素卷!

 
都話朝早行街市好架啦!

俾我買到好耐冇食嘅沙葛,

7蚊2斤有3大個,

又有好嘢食啦!


 

2013年6月13日 星期四

芝士雜菜素蛋餅!

呢排日日朝早行街市,

見到D瓜瓜菜菜咁鬼靚,

唔買對唔住自己啦!

買埋買埋一大堆蔬菜,

邊食得哂架!

咁每款蔬菜切少少出嚟整個素菜餅啦!



2013年6月12日 星期三

冬菇栗子炆雞!

 
今日係端午節,

有一日假期可以俾我休息休息,

瞓咗一個晏覺,

好鬼hea呀!

今晚主角唔係雞,

而係栗子呀!


2013年6月11日 星期二

西餅蛋糕製作精選實習班三(第十堂)



呢篇blog遲咗成個月先出呀!

呢堂係5月7日最後一堂~整聖誕蛋糕。

亞sir教我哋整朱古力屋仔,

咪睇砌屋好易有難度架!

呢間屋攪咗我哋成堂呀!

話時話,

今日我又開始返學學整蛋糕啦!

2013年6月10日 星期一

芝士洋蔥咸牛肉焗薯蓉!


係元朗住嘅朋友,

都知朗屏天橋底有間賣菜舖頭D菜好平;

呢排我就有機會晨早7點去逛下啦!

唔去猶自可,

一去就買唔停手,

款款蔬菜都平靚正;

今日我就買咗2磅薯仔和2斤菜芯,

大家估下幾錢???

 

2013年6月8日 星期六

糭!

 
又係一年一度包糭的大日子;

老公見我病叫我唔好包,

但大多親朋好友話想食我包嘅糭,

尤其係母親大人,

佢年年都會攞我D糭送俾朋友,

唔包唔得架!

我包嘅係客家糭,

唔係三角係方形架!

2013年6月7日 星期五

乾炒紅薯粉絲!

 
前日放工下大雨,

我有帶雨傘都濕哂身,

又坐正架開行冷氣嘅輕鐵,

所以凍親;

今日仲失聲添!
 

2013年6月6日 星期四

香草雞翼配薯菜!


本來想整日式咖哩雞翼,

點知大魔怪話生痱子唔想食咖哩,

而我又唔想煎煎炸炸,

唯有轉整焗雞翼啦!


 

2013年6月5日 星期三

沙薑雞腳!

 
平時出街飲茶食飯,

我都幾好鐘意叫碟沙薑雞腳咬下架!

出街食一碟得幾隻仲要收幾十蚊,

依家我買2磅雞腳都係$16,

真係要食番夠本呀!


 
 

2013年6月4日 星期二

豬肉蒸滑水蛋!


點先可以蒸滑蛋???

我唔用雞湯架,

因為雞湯都唔平呀!

簡簡單單豬肉碎、雞蛋就可以整個個平靚正嘅餸,

嘻嘻,

呢個打斧頭餸啱哂我呀!


2013年6月3日 星期一

2013年6月2日 星期日

芝士香草鮮茄肉醬焗長通粉!



星期日,

大小魔怪邊會咁早起身吖!

不過一起身就會話好肚餓,

得得得,

即刻去焗個長通粉俾佢咃做brunch!

整咗出嚟唔使10分鐘,

成兜長通粉已經清哂,

最勁嘅就係個兜仲好熱架,

我暈啦!
 
 

2013年6月1日 星期六

鹽焗煎雞翼!

 
雞翼,

點整都咁好味道。

今次簡簡單單用咗大半包鹽焗雞粉,

再加少少鹽調味(我驚唔夠味)醃咗2磅雞翼,

用半煎炸方法煎雞翼,

咸咸香香,

夠哂惹味呀!