芝士鮮茄焗豬扒飯!

 

同超市肉檔亞姐friend係有著數，

我要舊唔嚡口，

仲要唔使剁嘅肉整豬扒，

佢專登起舊靚飛排肉俾我，

仲要五十幾蚊有成7至8塊添!

豬扒分咗兩餐食，

用同一款汁料，

一個加芝士和炒飯底焗，

一個就咁煮，

真係抵到爛呀!

正!

材料: 豬扒4塊、蕃茄2個、洋蔥半個和乾蔥頭1個

調味: 豉油1湯匙、糖1茶匙、粟粉1茶匙、麻油少許

汁料: 蕃茄醬3湯匙、喼汁1湯匙、糖3茶匙、鹽半茶匙、

豉油1湯匙和1碗水(糖份量可以自行調節)

做法: 豬扒用醃料醃半日，蕃茄和洋蔥切件；

乾蔥頭切片；燒熱油鑊煎豬扒兩面至熟後盛起；

燒熱油鑊爆香乾蔥片、洋蔥和蕃茄，

落汁料煮滾後加入豬扒煮至汁濃(可加粟粉水埋獻汁)。

 

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page