2009年10月31日 星期六

老同學聚會!

 
今日是老公與他的小學中學同學聚會的大日子,
他們大約一年都有2-3次聚會啦!
今次聚會嘅目的是為咗佢~大閘蟹!
話明大閘蟹,
究竟有幾大???
睇吓老公隻表對比隻蟹就知道啦!
我同老公總共食咗4隻大閘蟹,
呢餐又真係好抵o架!
每人都剩係$350咋!

2009年10月29日 星期四

香草肉醬意粉!

 
童年吃西餐的回憶中,
 
最常吃的是肉醬意粉,
 
因為容易整囉!
 
不過以前,
 
母親大人喜歡用新鮮蕃茄煮肉碎;
 
現在的我鐘意用樽樽醬,
 
因為大小魔怪唔多鐘意新鮮蕃茄嘅酸味。
 
 

2009年10月27日 星期二

薑蔥霸王雞!

 
記得細細個時,
 
爸爸一出糧,
 
他都會帶我們一家人上館子吃飯,
 
首推是泉章居;
 
他一定會點薑蔥霸王雞讓我們吃,
 
我們每每吃了最好味道的雞腿、雞翼,
 
而他呢?
 
他只會吃雞頸、雞腳和撈汁食飯,
 
將雞最好味道的部份全留給我們。
 

 

2009年10月25日 星期日

歡度週日!

 
嘻嘻!點解咁夜先出網誌,
因為我又出咗沙田,
與母親大人打麻雀,
原來母親大人的眼睛仍未痊癒,
眼睛用神過久會洗眼水;
不過她仍然抵受不著麻雀的魔力,
都會與我們打幾十圈麻雀。

打完麻雀後,
我們沒有出外吃晚飯,
姐夫親自做了一些家常餸菜給我們吃,
而我又帶備醃好的孜然牛肉和泰式鳳爪,
樣樣我都覺得好好味道呀!
     

2009年10月22日 星期四

亂炒一通~辣酒煮花螺!

 
今日繼續留校剪片,
 
放學後,即到街市買餸,
 
一入到街市,
 
睇到D細花螺仔特價$10碟,
 
咁就買咗$20返屋企。 
 
買到返屋企,老公話要食辣酒煮花螺,
 
吓!我識食唔識煮喎!
 
即刻上網搵資料,
 
原來辣酒煮花螺用清酒o架???
 
冇喎!
 
要用豆瓣醬和辣椒醬???
 
冇喎!
 
點算好???
 
以我打開天才波嘅經驗
 
用有限嘅物料,做無限嘅餸菜,
 
又俾我征服咗佢啦!

2009年10月21日 星期三

泰式酸辣鳳爪!

 
女人係天生購物狂,
衫、褲、鞋、飾物等都樣樣好;
不過,我和我的同事就有少少分別啦!
我哋最鐘意買嘅野係食物!

我哋有咩平價食品都會訂,
例如Q版飲品,
係超級市場買要成$7.X一排(4盒)左右,
大批訂就$4.95一排。
不同款式的香腸,
我哋都會訂嚟食,
尤其是德國腸呀!
原來好好味道o架!

今次我哋就訂凍肉啦!
我少少哋訂咗無骨鳳瓜4磅、咸豬手2隻、青口2磅、魚柳2磅等,
都係$180左右。
紐西蘭青口肉1磅$22;
德國咸豬手1磅$9.5:
龍利柳1磅$7.5;
最抵係無骨鳳瓜,
街市1磅買成$2X-$3X,
呢度1磅$12.5咋!

同事幫我係街市裡買了一樽自製泰式酸辣汁,
整白雲鳳爪最啱啦!
將無骨鳳爪出水5分鐘,
浸冰水後撈起入膠盒,
切芫茜、洋蔥後加入鳳爪內,
倒入酸辣汁和少許雞粉,
放入雪櫃浸一日便成。
     

2009年10月20日 星期二

家常便飯!

 
今日放工約咗老公嚟學校接我,
因為我有太多嘢要攞返屋企,
順便又送同事兒子回婆婆家。
繼上次有突發事要他立即請假陪我,
今次又一次肯請假幫我搬嘢,
有時都覺得老公幾好o架!
老公,錫哂你啦!

返到屋企又要開始準備晚飯啦!
洗洗洗、切切切都唔係我做,(工人姐姐呀!)
炒炒炒、炆炆炆就係我啦!
     

薑蔥蒜炒青口
     

豉油雞翼
     

欖菜肉碎炒四季豆
 
 
 
 
  
大家可以入嚟Facebook讚下我新開嘅Fans專頁呀! 
 
 

2009年10月19日 星期一

又開始忙忙忙啦!

 
星期六是家長日,
我們需要將小朋友在學校裡的活動拍攝短片,
好讓家長能了解小朋友上學的情況,
所以未來一兩日,
我都要留校幫忙剪片,
對住部電腦睇片好辛苦,
年年都睇到我眼曚曚o架!

今日去到街市,
見到有蜆買,
之前幾次都係買花甲,
呢次就買蜆嚟炒啦!
為咗唔想有沙,
於是用鹽水浸浸D蜆,
等佢哋吐沙先。
     

蒜頭豆豉炒蜆(加辣)
     

蠔油肉碎豆腐
     

鹽水菜芯
     

涼拌青瓜
 
 

 
 
  

大家可以入嚟Facebook讚下我新開嘅Fans專頁呀! 

 

 

2009年10月18日 星期日

終於買到孜然粉啦!

 
今次返中國,
 
最大收獲是買到孜然粉,
 
一樽唔使6蚊人民幣,
 
都唔算貴。
 
為咗試試呢樽孜然粉好唔好味道,
 
於是自己試吓整孜然雞翼。
 

2009年10月14日 星期三

窩心的椰汁咖哩雞!

 
今日我教完圖畫手工班後,
匆匆的帶埋同事兒子搭屋村巴士落元朗,
交給正在巴士站旁等待的公公。
順利將同事的兒子交到公公手上,
心裡滿心歡喜!
此時,公公遞上一袋物品交給我,
我才記起原來同事母親為了答謝常常幫她帶孫子回家,
親手做了一袋家鄉椰汁咖哩雞讓我品嚐啊!
(同事母親是泰國華僑呀!)
嘩!太美味啦!
好香椰汁味,又有少少辣,
我不禁又食多咗飯啦!
在此真的要多謝丘媽媽!

    

椰汁咖哩雞
     

醉雞翼
     

煎紅衫魚 
     

炒菜芯
 
 
 
  
大家可以入嚟Facebook讚下我新開嘅Fans專頁呀! 

 


 
 

2009年10月12日 星期一

蝦醬雞髀肉絲蒸豆卜!

 
早排我見好多blog友用豆卜蒸餸,
 
心思思又試吓煮番次食吓!
 
今次我用咗雞髀肉嚟蒸o架!

2009年10月11日 星期日

津津食家!

 
今晚我、老公、妹妹、妹夫和與母親大人打完麻雀後,
去咗火炭津津食飯!
     

2009年10月10日 星期六

雲芝茶樹菇湯!

 
最近母親大人專誠買了一個湯包給我,
說要我煲湯給她的乖孫飲!
翻看原本又是媽咪靚湯~雲芝茶樹菇湯;
湯包裡面都好足料喎!
我買咗$30瘦肉煲湯!
     

2009年10月8日 星期四

叉燒椰菜炆依麵!

 
今日和明日老公都有雀局和飲宴,
另外工人姐姐今日又放假,
少咗2個人食飯,
我D懶蟲蟲又出哂嚟啦!
唔想大攪喎!
整個簡單炒麵和滾罐頭湯,
嘻嘻!好方便呀!

     
 

2009年10月7日 星期三

蠔油草菇雞丁燴豆腐!

 
 
由於小魔怪決定減肥,
唔再食咁多肉類,
我又唔想佢缺乏營養,
今日為小魔怪準備了一個健康的餸菜。

     

2009年10月6日 星期二

梅菜炆腩肉!

 
呢排小魔怪胃口奇差,
 
明知道佢返學冇啖好食,
 
而昨日又剩係食咗半碗飯,
 
不過就飲咗2大碗湯和菜,
 
唔通佢又開始減肥!
 
為咗令小魔怪食多D嘢,
 
今餐專為佢而煮嘅。
 

2009年10月5日 星期一

東江豆腐煲!

 
由10月份開始,
 
我差不多餐餐都大魚大肉啊!
 
1/10姨甥的慶生會,
 
2/10出外吃飯兼去紅館睇國慶show,
 
3/10中秋節一家人吃團圓飯,
 
4/10同事嫁女又有飲宴;
 
嘩!日日係咁食食食,
 
肥死我啦!
 
P.S. 題外話,昨晚飲宴有一個要讚的地方,
 
       在婚宴尾段時,竟然收到主人家送上婚宴時所拍攝的相片,
 
       可見主人家想得週到啊!因為我從未試過收過任何宴會的相片呀!
 
決定今晚煮餐健康餐俾家人食,
 
但又要滿足大小魔怪嘅口味,
 
唉!都幾困難啊!
 
 

2009年10月3日 星期六

中秋節快樂!

 
今朝一早已經走到街市行咗一轉,
10點幾同老公去天水圍銀座百佳又買咗一大堆嘢,
下午又行去街市買蝦蝦,
行咗3轉,行到我頭昏眼花囉!
忙咩嘢???
梗係為咗整今晚過節餸菜啦!
今晚食咩餸???
開估啦!
  

2009年10月2日 星期五

姨甥的慶生會!

 
我總覺得姨甥好像蠟筆小生,
一個已經11歲的小男孩,
每每在不適當的時候,做不適當的事情;
天生愛玩耍,讀書就麻麻;
他喜歡與別人分享他的事,
不論是認識或不認識的人,
所以一定不能與他說秘密啊!
P.S.尤其是家事呀!

他又多古靈精怪的思想,
令他的父母啼笑皆非呢!
不過每次見到他,
他都會帶給我們無限的歡笑!
10月2日是他正日的生日,
在此祝他生日快樂!聽聽話話!勤勤力力讀書!