原本呢個豉汁鳳爪炆排骨係噚晚嘅餸，
點知摷勻成個雪櫃，
一粒豆豉都冇，
所以我冇煮到呀!
今朝一早去買豆豉，
煮咗一鍋豉汁鳳爪炆排骨，
分兩餐食，
好味道呀!
材料: 炸鳳爪10隻、腩排$50、蒜蓉、豆豉粒、薑3片、紹酒適量
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、豉油少許、老抽適量、糖1茶匙
做法: 炸鳳爪放入熱水內，加入薑3片和紹酒出水5分鐘，
取出沖洗乾淨後，剪半備用；腩排洗淨後，落醃料醃30分鐘；
燒熱油鑊落腩排略煎兩面，加入蒜頭豆豉炒香，
落調味和2碗水煮滾後，轉小火慢慢炆30分鐘後，
加入炸鳳爪炆多30分鐘，按個人口味落鹽調味，
最後落生粉水埋芡汁便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!