唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
响元朗元生堂買咗包清補涼，
今日就用佢嚟煲咗呢個湯，
節瓜清補涼雞腳螺片煲西施骨，
除清補涼外，
我加咗節瓜、雞腳、西施骨、蜜棗、瑤柱仔和螺頭。
材料: 清補涼1包、節瓜3個、雞腳10隻、西施骨$60、
螺頭2個、蜜棗3粒、瑤柱仔適量
做法: 雞腳和西施骨出水後，雞腳去甲備用；節瓜去皮切件；
清補涼浸洗30分鐘；杞子浸軟後隔水備用；
燒熱12碗水，加入所有材料(除節瓜和杞子外)，用中大火滾起後，
轉細火煲1.5小時，加入節瓜再煲多30分鐘，落埋杞子滾多5分鐘後，
按個人口味落鹽調味便成。
想問一下螺頭浸幾耐？
螺頭我冇浸，沖沖水就掉落去一齊煲喇!
如果大家覺得我煮嘅餸菜啱哂口味嘅話，不妨留個言，鼓勵下我啦!
想問一下螺頭浸幾耐？
回覆刪除螺頭我冇浸，沖沖水就掉落去一齊煲喇!
刪除