帶隊返惠州

噚日星期三，

我和老公帶隊返惠州飲飲食食，

一行6人搭永東巴士去惠州，

點知啱啱入到惠州大巴就死咗火，

我哋即刻call咗2架滴滴車，

車我哋去惠州西湖步行街，

我哋未行街前先去食午飯，

正宗客家菜好味道，

老板娘送咗鍋小米粥請我哋食，

呢餐食咗￥269。

行西湖前，

先去蜜雪冰城買杯菠蘿百香果茶￥8，

好多肉肉好好飲，

行咗一陣就去西湖步行街買梅菜做手信喇!

幫朋友係網上訂咗兩間酒店房，

酒店係我屋苑附近，

大家都話酒店新淨，

張床瞓得好舒服呀!

酒店房每間￥222。

放低行李，

女士們就去做按摩啦!

我就睇毒舌大狀。

晚餐去食全牛火鍋，

叫咗個6人餐，

又加多碟五牛拼盆，

呢餐食咗￥717。

梅酒係朋友係香港帶過嚟，

超好飲呀!

南瓜烙和烚花生係老板娘請我哋食。

今日早餐，

有豬雜河、腸粉和炒米粉，

仲有3枝仙津，

加埋￥35。

食完行附近街市，

老公話要買花生油，

於是買咗1枝￥28，

朋友見到都想試下，

我哋成日返嚟都可以買到，

所以讓咗枝花生油俾朋友試下。

午餐就帶朋友仔去食東北菜。

我約咗架7人車嚟接我哋返蓬塘口岸，

見仲有時間，

我哋行超市後就搵地方坐下飲喜茶，

超多肉芒芒甘露好好飲；

買埋麵包就上車返香港啦!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page