柱候蘿蔔牛筋腩炆金錢肚

今朝炆咗一大鍋柱候蘿蔔牛筋腩金錢肚，

呢個餸係小魔怪至愛，

尤其係金錢肚，

留番俾佢做帶飯餸就啱哂啦!

材料: 牛肋條1.5磅、急凍金錢肚1磅、熟牛筋1磅、蘿蔔1條、八角2粒、

香葉6片、熱水4~5碗、老抽適量、紹酒2湯匙、薑5片

調味: 柱候醬2湯匙、蠔油1湯匙、豉油1.5湯匙、辣豆瓣醬1湯匙、冰糖1大粒

做法:將1湯匙紹酒、薑2片加入凍水鑊內，放埋牛肋條和金錢肚後開火煮滾，

出水8~10分鐘後取出沖洗乾淨，將牛肋條切件，金錢肚切條；

蘿蔔去皮切件；熟牛筋沖洗後切件；

凍鍋落油燒熱，落柱候醬、薑3片、八角和香葉先爆香，

落牛腩粒略煎兩面後，加金錢肚及贊紹酒1湯匙炒勻，

落埋蠔油、豉油、冰糖和水4碗(水需要差不多浸過牛腩面)，

煮滾後轉小火炆1小時15分鐘後，加蘿蔔和熟牛筋炆45分鐘後熄火(唔好開蓋)，

飯前加熱15分鐘落少許老抽調色，有需要可以加生粉水埋茨汁。

~鐘意食濃味嘅話，炆好之後可加少許鹽調味架!

~如果唔夠水嘅話，一定記得要加熱水；

~呢個餸炆定隔日食仲入味架!

~熟牛筋我係佳寶買架!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page