一人前~香菇薯仔炆雞翼

香菇薯仔炆雞翼，

呢個本來係小魔怪嘅今日飯盒嘅餸嚟架!

所以今朝一早起身就即刻走去炆雞翼，

點知佢突然話可以食埋午飯先出門，

就係咁，

呢個餸就做咗我哋嘅午餐喇!

話時話，

呢個餸特別在於我冇專登去醃雞翼，

雞翼解凍後先出水，

直接用醃汁去炆，

食落味道都唔差喎!

材料: 雞翼4隻、冬菇5隻、薯仔1個、薑1片

調味: 蠔油1湯匙、豉油半湯匙、糖1茶匙、麻油少許

做法: 將雞翼解凍，放入熱水內出水2分鐘後撈起沖沖水；

燒熱油鑊將薑片、冬菇、薯仔和雞翼快炒，加入調味和1碗水，

煮至薯仔淋約15分鐘便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page