2017年11月23日 星期四

一個人的午餐~茄汁辣肉腸肉醬意粉


今日又係得番我一個食午餐,

已經冇人陪食,

係咪應該要對自己好DD呢!

見屋企有幾支茄汁係度,

(上次分別買荷美爾午餐肉和罐裝粟米湯送的)

緊係要諗諗辦法處理佢哋啦!

所以就係咁,

就整咗呢個茄汁辣肉腸肉醬意粉喇!







材料: 意粉、辣肉腸、肉碎、蘑菇、洋蔥、粟米粒、蒜蓉、parsley碎

調味: 茄汁、鹽、糖、黑椒碎

做法: 豬肉碎用少許豉油、糖、鹽、麻油和水撈勻備用;

蘑菇切片、洋蔥切粒、辣肉腸切片;意粉按包裝指示出水備用;

燒熱油鑊落蒜蓉、洋蔥和肉碎快炒至肉轉色後,

落辣肉腸、蘑菇和粟米粒快炒,加入調味和3湯匙水煮滾後,

落埋意粉撈勻後上碟,最後灑上parsley碎裝飾便成。

  


大家可以入嚟Facebook讚下我新開嘅Fans專頁呀!


12 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!