2016年11月21日 星期一

遊山玩水~惠州


星期六,

我同老公和姑奶3個人返咗惠州;

夜晚就同堂弟婦佢哋一齊食晚飯,

堂弟婦介紹我哋去食羊腩煲,

味道其實唔錯,

不過炆得唔係咁腍,

冇咩牙力就真係食唔到喇!

3斤羊腩煲、客家豆腐、炒油麥菜、荷豆炒肉片和1隻大咸雞(分2碟),

都係食咗290人民幣,

又幾抵食喎!








星期日瞓醒,

老公話要去郊外行下,

約咗姪仔佢哋一齊去惠州羅浮山行下。















































(網上圖片)

 如果要行哂成個羅浮山景區,

真係行一日都行唔完,

我哋只係邊邊行下咋!

園內有得坐架空索道上下山,

一個字~怕!

所以冇坐呀!

行到1點幾,

求求其其係附近搵食,

買咗少少手信就返屋企啦!












返屋企抖咗一陣,

又約咗朋友帶我哋去搵食,

第一次食柴火炆鵝,

師傅即場炒俾我哋食,

味道唔使講,

真材實料,

好味道呀!

























呢隻鵝有成10斤重,

得我哋4個人,

跟本係食唔哂架,

不過見到老板娘釀咗D豆腐好鬼靚(佢哋自己嘅晚餐),

叫老板娘讓咗部份俾我哋食,

加埋鵝紅湯和自家種菜芯,

埋單收我哋270人民幣,

老公話平成咁,

一定要簽長約嚟食飯先得囉!









今次手信得堂弟婦自家種蕃薯和花生,

羅浮山百花草藥油,

客家婆紅豆豆腐花,

陳皮薑棗茶。

  

大家可以入嚟Facebook讚下我新開嘅Fans專頁呀!



16 則留言 :

  1. 回覆
    1. 一個月返一次,上去睇下間屋嘛!

      刪除
  2. 即場煮餸真材實料又熱辣辣特別好味喎 , 份量多又抵食 .

    回覆刪除
  3. 好多野食呀,全部都好味道呢

    回覆刪除
  4. 香港剩食個羊腩煲送青菜都288,尼度竟然係一圍枱

    回覆刪除
  5. 呢次去買咁少手信,吾似雀后喎。

    回覆刪除
    回覆
    1. 哈哈,冇咩時間去買嘢,不停咁食食食呀!

      刪除
  6. 回覆
    1. 抵食到呢,老公話要簽長約嚟食飯呀!

      刪除
  7. 即炒,好鑊氣,好似請咗個厨師返來咁正呀!

    回覆刪除
    回覆
    1. 係呀,仲可以自己炒埋一份添呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!