泰式豬手飯!

好鐘意食泰式豬手，

次次去泰國菜館都會叫碟嚟食，

唔知自己整得唔得呢???

同事母親係泰國華僑，

除教我整豬手外，

仲幫我買埋泰國香料，

真係唔該哂呀!

 題外話:

大魔怪好攪笑，

我一路炆豬手，

佢猛咁話好香，

我話炆俾佢食架，

佢話幾驚我係炆俾同事食，

好彩有得食啫!

 

 

 

材料: 豬手兩隻、泰式香料和泰國糖、雞蛋5隻、粟粉水

調味: 老抽5湯匙、豉油3湯匙(色水和咸味，隨個人口味而調節)

做法: 豬手出水洗淨備用；泰國糖用一碗開勻備用；

泰國香料入魚袋後沖一沖水備用；

把蛋連殼放入己裝凍水的小鍋裡煮滾至15分鐘熄火，

去蛋殼後備用；燒熱5碗水，

把泰式香料、泰國糖水和調味等煮滾煲15-20分鐘；

燒熱油鑊加豬手先爆香後，加入泰式鹵水汁中鹵1小時左右，

(怕油可以沖一沖豬手先放入鹵水汁中)

(鹵水汁最好要蓋過豬手面，唔夠就要加水啦!)

再將蛋放入鹵汁汁鹵半小時；

食時將豬手撈起上碟，加入灼過生菜和鹵蛋，

取出鹵水汁煮滾後，加入少少粟粉水埋茨淋上豬手面便成。

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page