鮮魚湯飯~絲瓜魚湯浸魚肚!

唔知我係咪作病呢；
 

今日成朝都覺得好鬼凍，

手腳冰冷，

好唔舒服呀!

好彩下午飲咗碗熱湯，

暖番少少，

今日冇咩胃口，

食湯飯呀!

材料: 紅衫魚5條(細)、絲瓜2條、魚肚4條、雲耳適量、杞子適量、薑片、蔥

做法: 紅衫魚洗淨用廚紙抹乾，用少許鹽醃一陣；

魚肚浸軟後亦用薑蔥出水15分鐘後切片；雲耳浸軟去蒂；

絲瓜去硬皮滾刀切大件備用；燒熱油鑊加薑片，

煎紅衫魚兩面後，加入6碗熱水和魚肚滾15分鐘，

最後加入絲瓜、雲耳和杞子滾多5分鐘，

自行加鹽調味便成。

(想食埋魚肉，滾湯時唔好大力攪散條魚；或可選舉用魚袋。)

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page