颱風"鮎魚"雖然給了我半日的假期，
但係我都做咗好多嘢o架!
首先我返咗學校做埋週六家長會D嘢(剪片)，
又去咗元朗買定D餸(菜、豬肉、雞翼)，
仲有去百佳執定D罐頭等等；
人人都係好似就快打到嚟咁，
個個都手執幾袋食物呀!
今晚老公有應酬，
好想懶呀!
咁就殘忍D~食煲仔飯啦!
材料: 3杯米、排骨和臘腸1條
醃料: 麵豉醬、豉油、老抽、糖、粟粉和麻油
調味: 豉油、老抽、糖、麻油加1湯匙清水(自製煲仔飯豉油)
做法: 排骨洗淨後用醃料醃1-2小時；臘腸沖洗後備用；
洗3杯米後將米放入22cm深底鍋內，加2碗半水用中火煲4-5分鐘至冒煙，
將醃好的排骨和臘腸放係飯面，用中火煲至冒煙，
即轉細火煲15分鐘左右；加調味撈勻食得!
P.S.研究明天會唔會掛8號風球o架???
如果打得成，小魔怪就可憐啊!
因為明天係教師發展日，
佢跟本就唔使返學呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!