養生壺~石斛淮山湯

 

今日又用養生壺煲湯，

石斛淮山湯有瘦肉、石斛條、淮山、麥冬、蓮子、

百合、茨實、龍眼肉、杞子和蜜棗，

呢個湯有健脾補腎、養生安神、滋陰潤燥等功效(AI資料)。

瑤柱炆節瓜

 

呢排我應該食得比較雜和過量，

胃酸倒流又嚴重咗喇!

簡單煮咗碟瑤柱炆節瓜做餸，

睇嚟呢幾日都要食清D呀!

生日快樂

 

今日係我正日生日，

亦都係第一年同孫仔一齊過生日呀!

母親大人、姐姐一家和妹妹一家一行12人，

去天瑞半島漁港食飯，

大仔訂咗一圍喜樂宴$5688，

早訂平$300。

訂咗房間有麻雀打又有得唱K添，

新抱仔仲訂咗2個靚靚蛋糕，

真係又靚又好味道呀!

生日唔一定要食紅雞蛋，

我係屋企整咗茶葉蛋俾大家食呀!

氣炸蜜味叉燒醬雞翼

噚日見有時間就執下個廚櫃，

竟然俾我摷到有3樽叉燒醬存貨，

好彩係全部都係2027年尾先過期，

我拿拿臨用佢嚟醃雞翼，

整碟氣炸蜜味叉燒醬雞翼嘆下先得。

家常便飯

 

今餐兩個人食3個餸，

榨菜蒸豬肉片、蕃茄蛋和白灼西蘭花，

幾個都係家常菜，

緊有一款啱大家食啦!

魷魚乾馬蹄蒸豬肉

 

蒸肉餅，

我最鐘意就係加馬蹄和魷魚乾落去一齊蒸架喇!

食落爽口又鮮味，

肉餅要半肥瘦先夠滑，

好送飯呀!

黑椒洋蔥豬扒

 

每次諗唔到煮咩餸，

我都會煮呢碟黑椒洋蔥豬扒，

因為簡單囉，

黑椒汁又好餸飯，

簡直係朱家家常菜之一呀!

節瓜眉豆花生鱆魚煲西施骨

今日細仔和老公都係屋企，

所以又係時候煲老火湯喇!

節瓜眉豆花生鱆魚煲西施骨，

有清熱解暑、健脾祛濕和強健筋骨等功效。(AI資料)

家常便飯

今晚得我和老公兩個人食，

都係家常便飯，

豆豉蒸排骨、煎素腐皮卷和灼菜芯，

簡單又好味道呀!

客家梅菜炆腩肉

今日去肉檔買咗條五花腩肉，

叫肉佬幫我起埋塊豬皮，

腩肉都幾厚身，

有肥有瘦，

底部仲有少少軟骨添，

分開切咗佢出嚟一齊炆，

炆出嚟腩肉就唔使咁大件喇!

叫外賣

 

今朝細仔WFH，

老公就約咗朋友飲茶，

我懶得煮午餐，

細仔話叫外賣~芙蓉德好味手撕雞，

手撕雞冷麵$42，

1盒小辣1盒唔辣，

仲有涼鞋小食$85~雞腎、豬耳和豬大腸，

原價$169，

加平台費$4.2，

但有優惠減$42.2，

呢餐總共$131。

亞仔話叫foodpanda平過keeta。

魚香茄子

 

今日煮咗個好送飯嘅餸~魚香茄子，

加咗梅香咸魚，

呢個餸特別惹味呀!

老公又要添飯喇!

豆角叉燒炒蛋

 

雪櫃仲有半盒叉燒，

今日就買咗半斤青豆角返嚟，

攞咗少少豆角切粒粒，

整咗呢碟豆角叉燒炒蛋，

細仔話好耐冇食，

正呀喂!

養生壺~石斛淮山湯

 

今日又用養生壺煲湯，

材料有淮山、石斛條、蓮子、百合、

麥冬、伏苓粒、龍眼肉、杞子和蜜棗，

呢個湯有滋陰、健脾祛濕等功效。

香煎豆腐

 

今日買咗盒豆腐，

落多少少油煎豆腐兩面，

再灑少少五香淮鹽係豆腐面，

咁就一個餸，

咸咸香香，

係咪好簡單呢!

家常便飯

今日細仔WFH，

預咗佢食飯，

點知煮好哂佢先話約咗朋友出街食飯，

好彩今餐煮嘅係家常菜，

西蘭花炒牛肉和蠔油薯仔炆排骨，

不過份量大，

又要食多幾餐先食完呀!

蕃茄雞蛋燴肉碎

 

今晚又係得我和老公兩個人食飯，

簡單一個餸有蕃茄、雞蛋和豬肉碎，

煮起連鍋一齊上，

碟都洗少一個呀!

青紅蘿蔔粟米螺片煲西施骨

 

今日見菜檔有青紅蘿蔔，

拿拿臨買埋粟米和西施骨，

煲咗呢個青紅蘿蔔粟米螺片煲西施骨，

加埋蜜棗、南北杏和瑤柱仔，

啖湯好甜，

好好飲呀!

上水雲軒樓

今日我哋約咗大伯大伯娘一齊辦事，

完事後就落上水食午餐，

我哋揀咗去雲軒樓飲茶，

第一次食，

味道ok啦!

入大埔探孫仔

 

今日入咗大埔探朱鎧仁小朋友，

呢排新抱仔放暑假，

日日由媽媽湊佢，

又成日帶佢出街，

所以變得好黐身，

遲下新抱仔要開學，

佢肯會喊死囉!

晚餐由我負責煮，

沙薑豬手、涼拌茄子、蝦膏蒸豬肉、烚西蘭花，

仲有雞腳眉豆花生煲西施骨湯。