醬油洋蔥豬扒

 

原本小魔怪話出街唔食晚飯，

點知突然話唔出街，

我拿拿臨係冰箱摷包梅頭豬扒出嚟解凍，

即刻煮咗呢碟醬油洋蔥豬扒，

嘻嘻，

又一個臨時加餸菜又出爐啦!

材料: 梅頭豬扒3塊、洋蔥半個、蒜蓉

醃料: 豉油1湯匙、糖1茶匙、生粉1茶匙、胡椒粉少許、油少許

豉油汁: 老抽1湯匙、糖2~3茶匙、水3湯匙、生粉1茶匙

做法: 梅頭豬扒用刀背剁鬆兩面後切件；落醃料醃30分鐘；

燒熱油鑊煎豬扒兩面至微微焦香及至熟後上碟備用；

燒熱油鑊爆香洋蔥後加入蒜蓉快炒，落豬扒和豉油汁至汁濃便成。

 

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page