唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
上星期入咗醫院幾日，
醫生建議我要食清D，
最好減下磅，
所以呢排我都會煮一些減脂健康餐，
盡量少鹽少油呀!
材料: 冬瓜1斤左右、魚肉$20、豆腐卜8個、粉絲適量、薑3片、蔥粒
調味: 蠔油1湯匙、豉油半湯匙、糖半茶匙、鹽少許
做法: 豆腐卜沖水後揸乾水份切半，釀入魚肉；
粉絲浸軟後隔去水份；冬瓜去皮切件；
燒熱鑊落油，將有魚肉餡嘅豆腐卜煎至轉色後，
加入冬瓜和薑片炒勻，落調味和水1碗半，
炆煮至冬瓜腍後，加粉絲煮至軟身，最後灑上蔥粒便成。
如果大家覺得我煮嘅餸菜啱哂口味嘅話，不妨留個言，鼓勵下我啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!