3月21日星期五
今日瞓到自然醒，
我哋食咗少少蜂蜜蛋糕，
11點半就出門去南大門市場，
搭4號線由東大門歷史文化公園站，
搭3個站就到會賢站5號出口，
就到達南大門市場喇!
我哋第一時間去搵食~南大門刀削麵一條街。
我哋叫咗2碗刀削麵和1碗大麥飯，
每份刀削麵配有冷麵雞蛋和泡菜，
而我碗大麥飯配有刀削麵、冷麵雞蛋、湯和泡菜，
刀削麵味道超滑溜，
好地道韓國風味，
全部食咗27000韓圜即$143左右，
超值呀!
飲咗杯好好飲嘅咖啡，
食咗魚糕、炸魚餅和蜜瓜，
好滿足呀!
返到酒店又要開始執行李，
响南大門市場買咗海帶和柿乾，
加埋一大喼零食，
半間759亞信屋搬咗返香港呀!
晚餐又係東大門搵食，
去咗地道燒肉店，
只有豬腩肉和牛肉解酒湯，
簡單又好味道，
仲有蘿蔔泡菜好好食，
真係食唔停口架!
食飽飽行下附近outlet，
就返酒店瞓覺喇!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!