豉汁排骨蒸飯

我和老公2個人食飯都唔知食咩好，

所以簡單整咗個豉汁排骨蒸飯，

咁灼埋幾條菜就食得啦!

材料: 腩排$15、蒜蓉適量、豆豉粒適量

醃料: 豉油2茶匙、鹽少許、糖半茶匙、生粉1茶匙、麻油少許

做法: 腩排洗淨後，落醃料、蒜蓉、豆豉粒醃15分鐘；

將1杯米洗淨浸15分鐘，隔去水份後，

將米放入飯盅內，加入1杯熱水(量米杯)，

放入熱水鑊內蒸10分鐘或至米水差不多乾，

用匙羹將飯攪勻(免米半生熟)，將豉汁排骨平舖在飯面，

蒸12~15分鐘，最後淋上蒸魚豉油便成。

    

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page