今日有嘢做，
攪到下午5點幾6點先返到屋企，
我又好想飲湯，
所以就買咗節瓜和肉片，
加埋屋企有咸蛋和瑤柱仔，
滾咗個節瓜咸蛋肉片湯，
簡簡單單有湯有瓜又有肉，
清清哋都唔錯架!
材料: 節瓜2個、瘦肉$30、咸蛋1隻、瑤柱粒適量、薑3片
醃料: 豉油1茶匙、鹽少許、糖半茶匙、油少許
做法: 瘦肉切片，落醃料醃30分鐘；節瓜去皮切件；瑤柱粒沖水；
將6碗水放入鍋內，加入薑3片和瑤柱粒煮滾後，
放入節瓜、豬肉片和咸蛋黃滾15分鐘，然後加入咸蛋白攪勻，
試味後按個人喜好加鹽調味，今次我就冇落鹽，清清哋好飲呀!
大家可以入嚟Facebook讚下我新開嘅Fans專頁呀!
簡單又好吃.
回覆刪除