唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
今日想食得清啖D，
所以買咗幾粒馬蹄嚟蒸豬肉餅，
加埋幾片魷魚仔，
呢碟蒸餸好送飯架!
材料: 梅頭豬肉碎$30(半肥瘦)、魷魚仔3隻、馬蹄4粒
醃料: 豉油1湯匙、鹽半茶匙、糖1茶匙、生粉1茶匙、麻油少許
做法: 魷魚乾浸軟後切碎；馬蹄去皮切碎；
將豬肉碎、魷魚碎、馬蹄碎和醃料放入大碗內攪勻，放雪櫃雪1小時；
取出豬肉餅放室溫30分鐘後，將肉餅舖平在碟上，
放入熱水鑊內用大火蒸15分鐘便成。
如果大家覺得我煮嘅餸菜啱哂口味嘅話，不妨留個言，鼓勵下我啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!