2月1日星期六年初四
今日我和老公返惠州過年，
我哋驚多人過關嘅關係，
所以8點半就由天水圍出發，
經上水去蓮塘口岸，
點知全程好順暢，
唔係好多人過關，
搭永東巴士返到惠州，
仲係附近搵食先返屋企。
過年唔多食店開門，
求其搵間舖頭叫咗2個餸，
老公話唔錯，
幾好味道呀!
返到屋企打掃下間屋，
就去咗堂弟家食晚飯。
惠州家鄉的味道，
餐餐雞鵝鴨，
好豐富呀！
2月2日星期日年初五
今朝我唔想食麵包，
所以落街晨運兼睇下有冇早餐店有開門，
真好，
俾我見到有間潮汕豬肚面，
買咗豬雜粉￥20和炒麵￥15返屋企食，
順便攞埋我係屋企樓下訂嘅物品，
返屋企咗食早餐兼睇咗套戲。
11點左右，
我哋就去咗大堂妹家食飯，
佢屋頂用嚟養雞鴨，
屋後就有好大塊地種菜，
全部菜都冇落農藥，
佢種嘅菜多到佢哋幾姐妹都食唔哂，
仲摘咗幾棵菜俾我帶返香港添呀!
佢連咸菜都係自己醃，
好脆好嫩，
真係讚不絕口呀!
食完午飯，
大家做咩好，
有D去咗打麻雀，
而我就睇老劇，
晚餐就到另一個堂弟家食飯，
又一餐客家家鄉菜，
好味道呀!
2月3日星期一年初六
今朝要返香港啦!
早餐食麵包和飲杯熱飲，
hea下睇多套戲就返香港喇!
今日搭永東大巴去蓮塘要￥90，
平時￥60咋，
所以我哋轉搭大巴去羅湖￥65，
經過羅湖城食埋午餐，
就過關搭火車返香港呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!