又返惠州

 

噚日星期日，

我哋又返惠州喇!

姑奶之前幫手買咗部份傢俬，

但我哋主人房嘅床仲未買，

所以噚日就返咗惠州買傢俬。

放底哂行李後，

就落街搵食醫肚先，

平時食開果間湘菜大排長龍，

唯有搵附近食豬肚雞，

可惜味道差咗好多，

唔好食呀!

我哋買呢張床嘅條件係一定要快，

要有現貨，

可以即刻運到屋企，

皮床+床褥+床頭櫃3200人民幣。

之後我哋就搭8蚊幾車去附近商場和市場行下，

係呢個大熱天時，

真係熱都冇朋友，

熱到出哂汁，

都幾辛苦架!

商場和市場附近有個夜市，

起碼有成40~50個小食檔口，

嘩，

睇到我流哂口水呀!

可惜老公唔食得辣，

唔係我就發達喇!

太多嘢食，

攪到我有選擇困難症添呀!

呢度食咗160蚊人民幣左右，

超抵食呀!

今朝九點左右起身去飲早茶，

D點心精緻又好味道，

5個人食咗293蚊人民幣。

之前係舊屋搬過去嘅電動麻雀枱，

原來已經有成十年歷史喇!

噚晚D麻雀升唔到上枱，

打咗一陣就放棄了；

所以今日最主要去買嘅就係自動麻雀枱喇!

呢張枱經我講價後，

2200人民幣送放多兩個茶几俾我哋，

加埋一塊鋼化玻璃枱面俾我，

咁我哋連餐枱都唔使買呀!

買咗新嘅發財工具，

緊係要即刻開張啦!

打到2點半左右，

我哋執齊嘢就去搵食後，

就準備返香港喇!

遲下我哋又會再返嚟，

買埋其他廚房用品呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page