客家蘿蔔蛋角煲

噚日整咗呢個客家蘿蔔蛋角煲，

大魔怪和佢女朋友仔都係第一次食，

佢哋都話好食外，

賣相佢好靚添呀!

雖然做呢個蘿蔔蛋魚煲功夫多少少，

但見大家食得開心，

我已經好滿足架啦!

材料: 蘿蔔1個(幼身)、豬肉碎$25、雞蛋3隻、清雞湯2碗、水半碗、

薑2片、白胡椒碎、蔥粒

醃料: 豉油半湯匙、鹽少許、糖1茶匙、生粉1茶匙、麻油少許

做法: 豬肉碎落醃料醃1小時；蘿蔔去皮切條；雞蛋落少許鹽發勻；

燒熱油鑊後轉小火落蛋液煎至蛋皮半熟後，

將豬肉碎放入蛋皮中間，用鑊鏟和筷子將蛋皮蓋住豬肉餡，

慢慢煎至蛋角形狀後盛起(豬肉餡唔熟唔緊要架)；

燒熱油鑊落薑片和蘿蔔先炒勻，加入清雞湯、半碗水煮滾後，

落豬肉蛋角和白胡椒碎煮10分鐘，灑上蔥粒裝飾便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page