2023年1月2日 星期一

留家抗疫~第五日


自從大魔怪中招後,

除頭一兩日發燒外,

呢兩日佢已經退咗燒,

依家仲有少少喉嚨痛和咳;

不過呢D都唔重要,

令佢最唔舒服嘅就係頭痛喇!

仲要係痛到爆果隻,

日日食Panadol都唔係辦法,

大魔怪女朋友仔介紹佢試下飲寶礦力溝暖水,

對頭痛、肚痾、發燒有舒緩作用,

而且補充鹽份、電解質、體力,

可以一試呀!





今日大魔怪開始有番少少胃口,

我午餐煮咗碟牛肉炒意粉,

佢食咗兩碟,

雖然呢個係佢平時食量嘅一半,

但已經好好架啦!

晚餐仲犀利,

竟然要添飯,

因為有佢至愛嘅土魷馬蹄蒸肉餅,

睇嚟佢應該好快好番架喇!






 


大家可以入嚟Facebook讚下我新開嘅Fans專頁呀! 

6 則留言 :

  1. 胃口好轉啦,相信好快復原!加油啊!

    回覆刪除
    回覆
    1. 今日T線淺色咗,應該過兩日就好番架啦!

      刪除
  2. 最緊要係食得,年輕人會好快好番架。

    回覆刪除
    回覆
    1. 佢啱啱中招頭3日,真係冇咩食過嘢呀!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!