今餐又係得我兩佬食晚餐，
小菜一碟青椒炒肉絲，
簡簡單單又一餐啦喂!
靜靜話俾大家知，
梅頭豬肉買咗三十蚊全部切絲(今餐炒咗半份肉絲)，
青椒仔係菜檔買開菜，
平平哋5個收我2蚊雞，
碟餸成本都係$17咋!
今餐係咪好抵食呢!
材料: 梅頭豬肉$15、青椒仔5個、辣椒仔1隻、蒜蓉、生粉水、紹酒少許
醃料: 豉油半湯匙、鹽少許、糖半茶匙、生粉少許、麻油少許、水半湯匙
調味: 蠔油半湯匙、豉油半湯匙、糖半茶匙、水3湯匙
做法: 梅頭豬肉切絲落醃料醃30分鐘；青椒去籽切絲；辣椒仔切粒；
燒熱鑊落少許油，落肉絲炒至兩面轉色後，加蒜蓉快手炒勻後贊紹酒；
落調味後蓋上鑊蓋煮至汁滾後，加入青椒絲和辣椒粒炒勻，煮到青椒熟後，
落少許生粉水埋芡汁便成。
~鐘意食辣嘅朋友，可以按個人口味加多幾隻辣椒隻落去都得架!
大家可以入嚟Facebook讚下我新開嘅Fans專頁呀!
本來今餐學你青椒炒肉絲，不過返到屋企，老DAD已經洗好白菜。
回覆刪除哈哈，老DAD咁快手，幫妳整好哂餸!!!
刪除請問
回覆刪除唔用紹酒及蒜茸可以嗎？
青椒改為三色椒可以嗎？
點整生粉水埋芡？
任何材料和調味，都可以按自己口味而加減架!
刪除將生粉加少少水攪勻，就係生粉水，
食物煮熟後，加生粉水埋芡汁，咁食物上碟後就唔會有過多汁液喇!
作者已經移除這則留言。
回覆刪除